Нұрдәулет Қилыбай тұрғындарды жеке қабылдады

> Маңғыстау облысының әкімдігі/Акимат Мангистауской области: Нұрдәулет Қилыбай тұрғындарды жеке қабылдады

29 тамыз күні Маңғыстау облысының әкімі Нұрдәулет Қилыбай Ақтау және Жаңаөзен қалаларынан, сондай-ақ Түпқараған мен Қарақия аудандарынан келген азаматтарды жеке мәселелері бойынша қабылдау өткізді.

Кездесуде тұрғындар негізінен тұрғын үймен қамту, жұмысқа орналасу, денсаулық сақтау және әлеуметтік жағдайларын жақсарту жөніндегі мәселелерін көтеріп, ұсыныс-өтініштерін жеткізді.

Ақтау қаласының тұрғыны қаланың бас жоспарын жетілдіру, инфрақұрылым желілерін жобалау, сәулет-құрылыс саласында тәжірибе алмасу және қоғамдық кеңестерге қатысуға қатысты бастамасын ортаға салды. Бұл ұсыныс әкімдік тарапынан қолдау тапты. Ал дәрі-дәрмекпен қамтамасыз етуге байланысты өтінішпен келген тағы бір тұрғынға қажетті көмек сол көрсетілді.

Облыс әкімі кездесуде көтерілген барлық мәселелерді мұқият тыңдап, олардың заң аясында шешілуін қамтамасыз ету үшін тиісті сала басшыларына тапсырмалар берді.

Маңғыстау облысы әкімінің баспасөз қызметі 

• 29.08.2025
• 30