Түркиялық Ardent Plastik және Nigde Plastik компаниялары директорлар кеңесінің төрағасы Азми Берк Алтунташпен кездестім.

Кездесуде Қазақстанда бірлескен инвестициялық жобаларды іске асыру мүмкіндіктерін талқыладық.

Түркиялық кәсіпкерлер Қызылорда облысында су үнемдеу технологияларын – тамшылатып және жаңбырлатып суару жүйелерін шығаратын зауыт салуды көздеп отыр. Біз жобаның ауқымы, мерзімі және іске асыру тәртібі жөнінде пікір алмастық.

Мемлекет басшысы су үнемдеу технологияларын кеңінен енгізу қажеттігін бірнеше рет атап өткен болатын. Осы мақсатта тамшылатып және жаңбырлатып суару жүйелерін сатып алу мен орнатуға берілетін субсидияны ұлғайттық. Сондай-ақ су үнемдеу технологияларын қолданатын шаруаларға суару суына берілетін субсидия көлемі артты. Мұндай жүйелердің Қазақстанда өндірісі олардың қолжетімділігін арттырып, тиімді әрі үнемді суару тәсілдеріне көшуді жеделдетуге мүмкіндік береді.

• 05.09.2025
• 21