Ерсайын Нағаспаев ЕЭК Өнеркәсіп және агроөнеркәсіптік кешен жөніндегі Алқа мүшесімен (министр) кездесу өткізді

Өнеркәсіп және құрылыс министрі Ерсайын Нағаспаев Еуразиялық экономикалық комиссияның Өнеркәсіп және агроөнеркәсіптік кешен жөніндегі Алқа мүшесі (министр) Гоар Барсегянмен кездесті.

Келіссөздер барысында Гоар Барсегян ЕАЭО елдері арасындағы өнеркәсіптік кооперация жобаларын іске асыратын компаниялар үшін несиелер мен қарыздар бойынша пайыздық мөлшерлемелерді субсидиялауға бағытталған ЕАЭО аясында қаржылық көмек көрсету механизмін таныстырды.

Сондай-ақ ол Алматыға жұмыс сапарының қорытындысымен бөлісті, оның барысында жетекші өнеркәсіптік кәсіпорындарды аралап, бизнес өкілдерімен кездесті.

Оның айтуынша, қазақстандық компаниялардың Еуразия аумағында ынтымақтастықты тереңдету үшін айтарлықтай әлеуеті бар.

Тараптар 2025 жылғы 29-30 қыркүйекте Минскіде өтетін ЕАЭО Өнеркәсіптік саясат жөніндегі кеңесінің отырысына дайындыққа ерекше назар аударды.

Кездесу қорытындысы бойынша тараптар өнеркәсіптік интеграцияны нығайтуға және бірлескен жаңа бастамаларды жүзеге асыруға бағытталған белсенді өзара іс-қимылды жалғастыруға келісті

• 15.09.2025
• 6