Ақмола облысының әкімі Ермек Маржықпаев ағымдағы мәселелер бойынша аппараттық кеңес өткізді

Алдағы мереке күндерін ескере отырып, өңір басшысы аудандар мен қалалар әкімдерін, басқарма басшыларын тіршілікті қамтамасыз ету жүйелерінің жұмысын үздіксіз қамтамасыз етуге барынша шоғырландыру, сондай-ақ бірінші тоқсанның қорытындысы бойынша әлеуметтік-экономикалық дамудың жоспарлы көрсеткіштеріне қол жеткізу қажеттігін атап өтті. Салалар бойынша нақты көлем индекстерінің деңгейлері туралы есеп тыңдалды, осыған байланысты облыс әкімінің орынбасарларына тиісті тапсырмалар берілді.

Өңірдегі су тасқыны мәселесі талқыланды. Облыс әкімінің орынбасары Асқар Мұратұлы Целиноград және Атбасар аудандарында қар шығару жұмыстарының нашар жүргізіліп жатқанын атап өтіп, техниканың дайындығы, су айдындарындағы, әсіресе көпір құрылыстары мен жолдардың жанындағы жару жұмыстарының көлемі туралы баяндады. Облыс әкімі жақын арада ТЖД-мен су тасқынына қарсы комиссияның бірлескен отырысын өткізуді тапсырды.

Жылыту маусымын өткізу, бірінші кезекте қажетті тауарлар бағасының өсуіне жол бермеу, сондай-ақ Наурыз мейрамын мерекелеу мәселелері талқыланды. Биылғы жылы эпидемиологиялық жағдайға байланысты барлық іс-шараларды онлайн форматта өткізу ұсынылды. Мәдениет және ішкі саясат басқармаларына ақмолалықтарға мерекелік іс-шаралардың күндері мен форматтарын жеткізу тапсырылды.

• 16.03.2021
• 259