Өңір басшысы Асхат Шахаров Хромтау аудандық ауруханасына барды

Қазір мұнда алты адам ем қабылдап жатыр, олардың ішінде он алты жастағы жасөспірім де бар.

Төрт науқас жансақтау бөлімінде шоктың қарқынды терапиясын алуда, тағы екеуі жалпы бөлімде жатыр. Қажетті медициналық көмек көрсету үшін облыс орталығынан екі дәрігерлік бригада — ересектер мен балалар дәрігерлері келді. Олардың құрамында реаниматологтар, травматологтар, хирургтар және нейрохирургтар бар.

Науқастардың жағдайы мен өмірлік көрсеткіштеріне сәйкес хирургиялық операциялар жасалды. Дәрі-дәрмек пен қан компоненттері толық көлемде қамтамасыз етілген.

Бұған дейін тасымалдаудан бас тартқан зардап шеккендердің бірі дәрігерлердің ұсынысынан кейін ауруханаға жатқызылды.

Асхат Шахаров жарақат алғандардың бірімен жеке сөйлесіп, оның және басқа да науқастардың тез сауығып кетулерін тіледі.

• 24.10.2025
• 27