2026-2028 жылдарға арналған бюджет тиімділік пен қолдауға бағытталған

Мәжіліс үш жылға арналған жаңа бюджетті мақұлдады. Бұл Парламентпен бірлесіп тиянақты түрде дайындалған маңызды құжат. Мәселен, 30 млрд теңге инфрақұрылымға (жолдарға, коммуникация саласына, жайлы өмірге арналған нысандарға) бағытталды. 4 млрд теңге бірінші кезектегі шығыстарға, сондай-ақ 1,4 трлн теңге экономиканы нығайту мен жаңа жұмыс орындарын ашуға байланысты стратегиялық бастамаларға бөлінді.

Біз алғаш рет бюджетке ауқымды шолу жасадық. Яғни, мемлекеттен бөлінетін ақшаның қайда және қалай жұмсалып жатқанын қайта қарап шықтық. Нәтижесінде 68 млрд теңге оңтайландырылды – енді бұл қаражат даму бағыттарына жұмсалады. Әкімшілік шығыстардың үлесі 15 пайыздан 12,3 пайызға дейін азайды.

2026 жылы бюджет кірістері 19,2 трлн теңге деңгейінде болжанып, бұл биылғы кезеңмен салыстырғанда 3,6 трлн теңгеге артық. Шығыстар 27,8 трлн теңгеге артып, оның ішінде 10 трлн теңгеден астам қаражат әлеуметтік салаға (білім беру, денсаулық сақтау және әлеуметтік қолдау) жұмсалады. Бұл біздің бюджеттің әлеуметтік бағдары сақталғанын растайды.

Алдағы үш жылда өңірлерді дамытуға 581 млрд теңге қарастырылған, оның 300 млрд теңгесі келесі жылы жұмсалады. Әкімдіктер жергілікті жобаларды іске асыру және дербестікті нығайту үшін трансферттер арқылы 5,1 трлн теңге алады.

Біз азаматтарды қолдау мен бизнесті дамыту арасындағы тепе-теңдікті сақтайтын боламыз.

• 24.10.2025
• 14