«Астанаэнергосбыт» ЖШС әкімшілік жауапкершілікке тартылды

Қазақстан Республикасы Ұлттық экономика министрлігі Табиғи монополияларды реттеу комитетінің Нұр-Сұлтан қаласы бойынша департаменті «Английский квартал» ТК тұрғындарының өтінішін қарау барысында А.Храпатый көшесінде орналасқан №1, ½, 2, 3 тұрғын үйлерде «Астанаэнергосбыт» ЖШС-ның коммерциялық есепке алған жалпыүйлік жылу энергиясын есепке алу аспабы бар екенін анықтады.

Осылайша, 2020 жылғы желтоқсан айында жылу энергиясын есепке алудың үйге ортақ аспабының деректері бойынша көрсеткіштердің болмауы бойынша «Астанаэнергосбыт» ЖШС-ы уәкілетті орган бекіткен тиісті сараланған тарифті қолдана отырып, есепке алу аспаптары болмаған кезде шығыс нормасы бойынша жылу энергиясын есептеуді жүргізді.

Департаментпен жүргізілген есептеулер бойынша талдау жүргізілді, оның барысында шығыс нормасы бойынша 2020 жылғы желтоқсанды 131,47 теңге/ш.м. мөлшерінде есептеу анықталды, «Английский квартал» ТК тұрғындарының жылыту үшін жалпы төлемі 2 066 576,93 теңгені құрады.

Өз кезегінде, Қазақстан Республикасы Ұлттық экономика министрінің 2019 жылғы 24 маусымдағы №58 бұйрығымен бекітілген Жылу энергиясымен жабдықтау жөнiндегі қызметтердi көрсетуге арналған үлгілік шартының 10-тармағына сәйкес тұтынушының кінәсінан есепке алу құралдарының көрсеткіштерін алу мүмкін болмаған кезде және егер бұл ретте тұтынушы энергия беруші ұйымға өзі жұмсаған жылу энергиясының мөлшері туралы мәліметтерді ұсынбаса, энергиямен жабдықтаушы ұйым нақты тұтыну бойынша кейіннен қайта есептеуді жүргізе отырып, өткен жылдың осындай кезеңіндегі Тұтынушының жылу энергиясының орташа тәуліктік шығысы бойынша көрсетілген кезеңдер үшін есеп айырысуды жүргізуге құқылы. Тұтынушының кінәсінан есепке алу аспаптарының көрсеткіштерін алудың мүмкін болмауы Өнім берушінің журналында тиісті жазбамен расталады.

Осылайша, 2019 жылдың ұқсас кезеңінде жылу энергиясының орташа тәуліктік шығынын ескере отырып, А. Храпатый көшесіндегі №1,½, 2, 3 тұрғын үйлердің тұрғындарына жылу энергиясын есептеу құралы бойынша есептеудің жалпы сомасы 816 495,36 теңгені құрауы тиіс еді.

Демек, «Английский квартал» ТК тұрғындары 2020 жылдың желтоқсан айында жылыту үшін аударым мөлшері 1 250 081,57 теңгені құрады.

Жоғарыда аталған әрекетпен «Астанаэнергосбыт» ЖШС-ы «Табиғи монополиялар туралы» Қазақстан Республикасы Заңының 26-бабы 2-тармағы 3), 5) тармақшаларын бұзды, оған сәйкес табиғи монополия субъектісі осы Заңға сәйкес бекітілген тариф бойынша реттеліп көрсетілетін қызметті ұсынуға, тұтынушыларға реттеліп көрсетілетін қызметке қолжетімділіктің тең жағдайларын ұсынуға міндетті.

Баяндалғанның негізінде, «Астанаэнергосбыт» ЖШС-ы Қазақстан Республикасының Әкімшілік құқық бұзушылық туралы Кодексінің 164-бабының 4-бөлігі бойынша әкімшілік жауапкершілікке тартылды және 4 667 200 теңге мөлшерінде айыппұл салынды, сондай-ақ Департамент күнтізбелік он күн ішінде 1 250 081,57 теңгені тұтынушыларға (тұрғындарға) қайта есептеу және қайтару жолымен Қазақстан Республикасының Табиғи монополиялар туралы заңнамасын бұзушылықтарды жою туралы нұсқама шығарды.

«Астанаэнергосбыт» ЖШС-ның қолдаухаты негізінде жоғарыда көрсетілген әкімшілік жауапкершілік туралы хаттама Нұр-сұлтан қаласының Мамандандырылған ауданаралық әкімшілік сотына қарау үшін жіберілді

• 16.03.2021
• 239