Құрметті отандастар! Баршаңызды 15 қараша – Ұлттық валюта күнімен шын жүректен құттықтаймын!

Бұл – экономикалық тәуелсіздік пен тұрақтылықты және сенімді дамуды айғақтайтын маңызды күн. Теңге төлем құралы ретінде нығаюымен қатар отандық қаржы жүйесінің қарыштап өркендегенін байқатып отыр.

Осы ретте төл теңгеміз тек ақша сарайы мен валюта бағамына ғана негізделмейтінін атап өткім келеді. Оның негізгі кепілі – сенім. Яғни, мемлекеттің бюджетті ашық, тиімді және халық мүддесі үшін басқарады деген азаматтардың сенімі – ұлттық валютамыздың қозғаушы тетігі.

Ал цифрлы теңгенің жолға қойылуымен ерекше перспективалар ашылғалы тұр. Оны тек технологиялық сынақ  ретінде қабылдау қате, бұл болашақ цифрлы экономиканың негізі. Осы бағыттағы қанатқақты жобалар өз тиімділігін көрсетіп, бүгінде цифрлы теңге есеп айырысуларда нақты қолданыла бастады. Бұл әр азаматқа бюджет процестерін жайлы әрі қарапайым, сондай-ақ ашық және қауіпсіз етуге бағытталған нақты қадам.  

Осы мерекеге орай еліміздің қаржы саласын дамытуға атсалысып келе жатқан барлық жанға шын жүректен ризашылығымды білдіремін!  Сіздердің адал еңбектеріңіз бен кәсіби қарым-қабілеттеріңіз – Қазақстанның тұрақтылығы мен көркеюінің кепілі.

• 15.11.2025
• 5