2025 жылға «Ауыл аманаты» бойынша Батыс Қазақстан облысына 5,5 млрд теңге қарастырылған

Экономика вице-министрі Асан Дарбаев Батыс Қазақстан облысының тұрғындарымен кездесті.

Облысқа жұмыс сапары әлеуметтік және инфрақұрылымдық нысандарды аралаудан басталып, Асан Дарбаев жобалардың жүзеге асу барысымен танысып, өңірді дамыту, халыққа әлеуметтік қолдау шаралары және кәсіпкерлікті ынталандыру мәселелерін талқылау үшін Орал қаласының тұрғындарымен кездесті.

Осылайша, 2025 жылғы қаңтар–қазан айларында өңірдегі өнеркәсіп өндірісі 257,5 млрд теңгені құрап, НКИ 106,7%-ды, өңдеу өнеркәсібіндегі нақты көлем индексі 117,9%-ды көрсетті. Ауыл шаруашылығының жалпы өнім көлемі 6,9 млрд теңгені құрап, НКИ 98,8% болды, бұл әлеуметтік-экономикалық дамудың оң динамикасын көрсетеді.

Ауылдық кәсіпкерлікті қолдаудың айқын мысалы Байтерек ауданы, Жалын ауылының «Аманат-2022» ауыл шаруашылық өндірістік кооперативі болып табылады, ол 2024 жылы «Ауыл аманаты» бағдарламасы аясында жүзеге асырылды. Кооператив 26 млн теңге көлемінде лизингке ауыл шаруашылық техникасы мен құрал-жабдықтарын алды, сондай-ақ қызметін кеңейту үшін жер учаскесі рәсімделді. Бүгінгі күні АШӨК ауыл шаруашылығын тиімді дамытып, жергілікті тұрғындарға жұмыс орындарын қамтамасыз етуде.

Байтерек ауданы, Макаров ауылында вице-министр «Ауыл – Ел бесігі» бағдарламасы аясында салынып жатқан мәдениет үйінің құрылысымен танысты. Қазіргі уақытта аумақты абаттандыру жұмыстары жүргізілуде, бұл тұрғындарға заманауи мәдени кеңістік құруға мүмкіндік береді.

Кәсіпкерлер мемлекеттік қолдау өндірісті тиімді дамытуға және өнім ассортиментін кеңейтуге мүмкіндік беретінін атап өтті.

««Ауыл аманаты» бағдарламасының арқасында біз заманауи техника сатып алып, өндіріс көлемін арттыра алдық, бұл біздің қызметкерлеріміз бен ауыл тұрғындарының табысын жақсартты», – деді «Аманат-2022» АШӨК басшысы.

2024 жылы «Дипломмен ауылға» жобасы бойынша 3,6 мың маман тұрғын үй сатып алу немесе салу үшін 29 359,7 млн теңге сомасында бюджеттік несиелер алды, ал 9,2 мың маман 3 360,7 млн теңге сомасында көтерме жәрдемақы алды. Батыс Қазақстан облысында 368 маман 2 282,2 млн теңге сомасында бюджеттік несие алса, 809 маман 298,6 млн теңге сомасында көтерме жәрдемақы алды.

2025 жылы мемлекеттік қолдау шараларына 7,6 млрд теңге бөлінді.
1 қазандағы жағдай бойынша 80 жобаға 7,1 млрд теңге көлемінде несие беріліп, 4 млрд теңге субсидия төленді; кепілдік беру бағытында 21 жобаға 1,9 млрд теңге көлемінде қолдау көрсетіліп, берілген кепілдіктер көлемі 0,6 млрд теңгені құрады. Кепілдік қоры аясында 63 жобаға 8,6 млрд теңге несие беріліп, кепілдіктер көлемі 4,9 млрд теңгені құрады. Сонымен қатар, 284 кәсіпкерге 299 сервистік қызмет көрсетілді, 1 737 ХҚКО клиентіне 6 489 консультация берілді; «Бір ауыл – бір өнім» жобасы бойынша 59 қатысушыға 62 консультация көрсетілді, ал «Іскерлік байланыстар» бағдарламасында 4 ШОК субъектісі бизнес-тағылымдамаға қатысты.

Кездесу барысында өңір тұрғындары мемлекеттік бағдарламаларды жүзеге асыруға қатысты мәселелерді көтерді. Атап айтқанда «Ауыл аманаты» жобасы бойынша шекті сомалар талқыланды. Вице-министр «Ауыл аманаты» жобасы бойынша Батыс Қазақстан облысына 2025 жылы 5,5 млрд теңге қарастырылғанын, оның қазіргі уақытта 2,2 млрд теңгесі бөлінгенін айтты. 2026–2028 жылдарға бағдарламаның қаржыландыру көлемінің ұлғаюы жоспарлануда.

• 28.11.2025
• 7