ҒАЗИЗ НАДУЕВ: МАҢҒЫСТАУДА 22 НАУРЫЗ – ҰЛЫСТЫҢ ҰЛЫ КҮНІНЕ ОРАЙЛАСТЫРАТЫН ЖАЛПЫХАЛЫҚТЫҚ ЖИЫНДАРҒА РҰҚСАТ ЖОҚ

Маңғыстауда 22 наурыз – Ұлыстың Ұлы күніне орайластыратын жалпыхалықтық жиындарға рұқсат жоқ. Бұл туралы Қоғамдық коммуникация орталығында өткен брифингте Маңғыстау облысы санитариялық-эпидемиологиялық департаментінің басшысы Ғазиз Надуев мәлім етті. 

Оның айтуынша, 17 наурыз күні өңірдегі коронавирус инфекциясы бойынша репродуктивті көрсеткіш 1,05 құрады. Осыған байланысты, барлық мерекелік шараға тыйым салынған. 

«Нұр-Сұлтан, Алматы қалаларында алдағы мейрамға қарсы қатаң локдаун жарияланды. Біз де сақтық шараларын есімізден шығармайық. Ұлыстың Ұлы күнін үйде отырып, өз отбасымен тойлаған дұрыс. Өйткені, адамдардың сыртта жиі жүруі, бір-бірімен тығыз қарым-қатынасы коронавирус індетінің өршуіне әкеледі», - деді Ғазиз Надуев. 

• 19.03.2021
• 196