Елордада полиция қызметкерлері интернет-алаяқтыққа қарсы акция өткізді

Астанада тәртіп сақшылары “Заң және тәртіп” тұжырымдамасы аясында ұйымдастырылған “Тоқта — интернет-алаяқтық” профилактикалық акциясын өткізіп жатыр. Іс-шараның негізгі мақсаты — халықтың қаржылық және цифрлық сауаттылығын арттыру, сондай-ақ бүгінде ең өзекті болып отырған ақпараттық технологиялар саласындағы қылмыстардың алдын алу. Үш күн бойы полиция қала тұрғындары мен қонақтарымен тікелей диалогқа шықты. Акцияға “Астана Жастары” жастар ресурстық орталығының волонтерлері белсенді қатысып, түсіндіру жұмыстарына көмектесті. Бұл жұмыс келушілер ағыны ең көп тіркелетін елорданың барлық ірі сауда-ойын-сауық орталығында жүргізілуде.

Полиция қызметкерлері интернет-алаяқтықтың ең кең таралған түрлері — телефон қоңыраулары мен фишингтік хабарламалардан бастап, жалған онлайн-сатып алулар туралы жан-жақты түсіндірді. Азаматтарға жеке деректерді қорғау, банк шоттарының қауіпсіздігін қамтамасыз ету және алдаудың белгілерін тану жолдары айтылды. Мыңнан астам азамат тәжірибелік кеңест алып, мамандарға өздерін қызықтырған сұрақтарын қою мүмкіндігіне ие болды. Профилактикалық іс-шараларға танымал қоғам қайраткерлері мен спортшылар да қатысты. Олардың қатарында боксшы, Олимпиада чемпионы Серік Сәпиев, сондай-ақ журналист, блогер Тимур Асылханов пен кинопродюсер Еламан Есентаев бар. Олар бастаманы қолдап, цифрлық кеңістікте жеке жауапкершілік пен сақтықтың маңыздылығын атап өтті.

• 22.12.2025
• 6