Қоғамдық қабылдау өткіздім. Онда Шығыс Қазақстан, Павлодар мен Абай облыстарында суармалы егіншілікті дамыту мәселелері қаралды. Атап айтқанда, суару суын жеткізу алқаптарын ұлғайту есебінен суармалы жер көлемін арттыру мәселесіне назар аударылды.

Бүгінде Павлодар облысында лиманды суару жүйелерін қалпына келтіру жұмыстары жүргізіліп жатқанын айта кетейін. Су ресурстары және ирригация министрлігі барлық қажетті қаражатты бөлді. Сонымен қатар еліміздің шығыс өңірлерінде су шаруашылығы инфрақұрылымын ауқымды түрде реконструкциялауға дайындық жүріп жатыр. 

Абай және Шығыс Қазақстан облыстарында су қоймаларын, сондай-ақ магистральдық және шаруашылықаралық каналдарды толық қалпына келтіру және реконструкциялау бойынша жобалау-сметалық құжат дайындалуда. Жобаларды әзірлеу келесі жылдың бірінші тоқсанында аяқталады. Біз құрылыс және монтаж жұмыстарын 2026 жылдың соңына дейін бастауды көздеп етеміз. 

Азаматтарды қабылдауда су қорғау аймақтары мен белдеулеріндегі заңсыз құрылысқа қарсы күрес мәселелері де қаралды. Сондай-ақ бассейндік кеңестердің жұмыс тиімділігін арттыру жөнінде ұсыныстар айтылды.

• 29.12.2025
• 5