СҰЙЫТЫЛҒАН ГАЗДЫ 75 ТЕҢГЕДЕН САТҚАН КӘСІПКЕРГЕ АКТ ТОЛТЫРЫЛДЫ

Ақтауда газ құю бекеттеріне әкімдік қызметкерлерімен мониторинг жұмыстары күніне 3 рет жүргізілуде. 

24 наурыз күні жүргізілген мониторинг барысында ХГМЗ аумағында орналасқан "Аружан" АГҚС-да сұйылтылған газ бағасының 75 теңгеге дейін көтерілгені анықталды.

Жеке кәсіпкер “Баржиковқа” Ақтау қаласы әкімдігі кәсіпкерлік және ауыл шаруашылығы бөлімінінің қызметкерлерімен бағаны төмендетуге қатысты келіссөздер жүргізілді. Алайда, кәсіпкер әкімдіктің газ бағасын 65 теңгеден қымбат бағаға сатпау туралы келісімді бұзып, құлақ аспаған.

Осыған байланысты, кәсіпкерге 
акт толтырылды. Әрі қарай акт алынған бейнематериалдармен бірге ҚР Бәсекелестікті қорғау және дамыту агенттігінің Маңғыстау облысы бойынша департаментіне шара қолдануға жолданды. 

Айта кетейік, қала бойынша баға - 65 теңгеден аспауы керек.

• 25.03.2021
• 193