«Халық бухгалтері» республикалық акция

2026 жылдың басы салықтық әкімшілендіру саласындағы өзгерістерді көздейтін Қазақстан Республикасының жаңа Салық кодексінің күшіне енуімен айшықталды.
Қазақстан Республикасының Қаржы министрлігі жаңа талаптарды түсіндіру мен қолданыстағы ережелерге көшуді жеңілдету үшін 5 қаңтарда жеке кәсіпкерлер мен шағын бизнесті қолдауға бағытталған «Халық бухгалтері» республикалық акциясын бастады.
Оның аясында кәсіпкерлер мемлекеттік кірістер басқармаларында, сондай-ақ қашықтан бухгалтерлік есеп, салық есептілігі және мемлекеттік ақпараттық жүйелермен жұмыс істеуге байланысты онлайн-консультация, видео байланыс және вебинарлар арқылы тегін кеңес ала алады. ҚР ҚМ Мемлекеттік кірістер комитетінің сайтында кеңес алуға арналған ақпарат көздері туралы ақпарат орналастырылған.
Ал Zakon.kz қазақстандық жаңалықтар сайтында осы тақырып бойынша өзекті ақпарат орналастырылған «Халық бухгалтері» бөлімі ашылған.
Осы мүмкіндікті бүкіл ел бойынша 3 мыңнан астам салық төлеуші пайдаланғанын айта кетейік.
Акция жалғасып жатыр. Бұл орайда кәсіпкерлерді осы мүмкіндікті пайдалануға шақырамыз! Аталған амал жаңа талаптарға жеңіл бейімделіп, бизнесті тиімді жүргізуге көмектесетініне сенімдіміз.

• 22.01.2026
• 16