Қосымбаев Т.Е.
ҚР ҰЭМ Табиғи монополияларды реттеу комитетінің төрағасы
Жылыту ақысын қалай үнемдеуге болады: ТМРК басшысының нұсқаулары
Қазақстандықтарға жылу үшін ұсынылатын бағалар таң қалдырады. Коммуналдық қызмет үшін төлейтін ақшаның жартысын жылыту үшін беретін сияқтымыз. Тілші zakon.kz ҚР ЭМ Табиғи монополияларды реттеу комитетінің төрағасы Асан Дарбаевқа көмек пен түсініктеме алу үшін жүгінді. Ведомство басшысы біздің оқырмандарға Нұр-Сұлтан қаласының үлгісінде жылу үшін ақы төленетін схемалар туралы айтып берді және қазақстандықтарға жылу үшін артық төлемеу туралы бірқатар құнды кеңестер берді.
Асан Дарбаев шағымдардың негізінде әртүрлі өңірлерде жылу жеткізушілерге қатысты жоспардан тыс тексерулер басталғанын, олар табиғи монополиялар субъектілерінің іс-әрекеттеріндегі бұзушылықтарды көрсеткендігін атап өтті.
Жылыту ақысын қалай үнемдеу керектігін жақсы түсіну үшін жылумен жабдықтау қызметтері үшін төлем мөлшерін есептеу механизмі туралы көбірек білу керек.
Жылу энергиясымен жабдықтау бойынша реттеліп көрсетілетін қызмет үшін төлемақы мөлшерін есептеу тетігі «Табиғи монополиялар туралы» Заңда және Тарифтерді қалыптастыру қағидаларында айқындалған.
«Табиғи монополиялар туралы» Заңға сәйкес табиғи монополия субъектісі бекітілген тариф бойынша реттеліп көрсетілетін қызметті ұсынуға міндетті.
Мұнда ең маңызды аспект жылумен жабдықтау қызметтерінің тарифі тұтынушыда есепке алу аспаптарының болуына немесе болмауына байланысты сараланады. Үйге ортақ жылу энергиясын есепке алу аспабы болған кезде жылу үшін төлем мөлшері ай сайынғы көрсеткіш пен бекітілген тариф негізге алына отырып айқындалады.
Ал үйге ортақ есепке алу аспабы болмаған жағдайда жылу үшін төлем мөлшері жергілікті атқарушы орган бекітетін есепке алу аспаптары жоқ тұтынушылар үшін жылумен жабдықтау қызметтеріне тұтыну нормасына және бекітілген тарифке сүйене отырып, есептеу жолымен айқындалады. Бұл ретте есепке алу аспаптары жоқ тұтынушылар үшін жылумен жабдықтау қызметтеріне арналған тариф есепке алу аспаптары бар тұтынушыларға қарағанда жоғары екенін атап өткіміз келеді, - деді Асан Дарбаев.
Толығырақ ақпарат алу үшін төмендегі сілтемеге өтіңіз
https://www.gov.kz/memleket/entities/krem/press/news/details/165001?lang=kk
- 25.03.2021
- 256
