«Ұлттық қор – балаларға» бағдарламасының үш жылдағы нәтижесі

«Ұлттық қор – балаларға» бағдарламасы іске асырыла бастаған үшінші жыл ұлттық байлықты әділ бөлу қағидаты дұрыс жұмыс істеп жатқанын байқатты. Бүгінде 7 млн қазақстандық баланың жинағы 2,5 млрд доллардан асып отыр.

Биыл әр балаға Ұлттық қордың инвестициялық кірісінен 130,71 доллар аударылды. Ал 2026 жылға арналған аударымдардың жалпы сомасы 900 миллион доллардан асты. Биыл кәмелет жасқа толатын 356 мың қазақстандыққа 132,1 млн доллар көлемінде қаражат аудару қарастырылып  отыр. Капиталдандыру тетігінің жұмыс істеп тұрғаны маңызды: алдыңғы кезеңдер бойынша жинақталған қаражатқа да инвестициялық табыс есептеледі. Нәтижесінде, осы жобаға оның іске қосылған сәтінен бастап қатысып келе жатқан кез келген баланың үш жылдағы жинағының жалпы сомасы 370,56 долларға жетті.

Бағдарламаның нақты нәтижелері қазірдің өзінде байқалып келеді. Жинақ сомасы жас қазақстандықтарға өмірдегі маңызды мәселелерді шешуге септігін тигізіп келеді: 26,3 млн доллар мақұлданған 158 мың өтінім бойынша тұрғын үй жағдайын жақсартуға бағытталса, тағы 15,5 млн доллар 94 мың өтінім бойынша білім алу ақысына жұмсалды.

«Ұлттық қор – балалар» бағдарламасы жас қазақстандықтарға сапалы білім алу мен баспана мәселесін шешуге жол ашты.

• 13.03.2026
• 48