Құрметті шығысқазақстандықтар!

Баршаңызды Қазақстан Республикасының Тәуелсіздік күнімен шын жүректен құттықтаймын!

Бұл біздің берік бірлігіміздің, мызғымас достығымыздың, жарқын болашақ жолындағы ынтымақтастығымыздың мерекесі. Мемлекетіміздің қалыптасу тарихы Тұңғыш Президентіміз Нұрсұлтан Әбішұлы Назарбаевтың есімімен тығыз байланысты. Ол сапалы өмір сүрудің әр саласында нақты нәтижелерге қол жеткізу үшін әр қадамды нық баса, елімізді дамудың даңғыл жолына жетеледі. Салихалы саясат пен дұрыс таңдалған басымдықтардың арқасында Қазақстан тұрақты даму, халықтың әл-ауқатын ұдайы арттыру жолына шықты.

Бұл ретте мемлекетіміз қол жеткізген барлық табыстар мен жетістіктерде шығысқазақстандықтардың қосқан сүбелі үлесін зор мақтанышпен айтамын. Алдағы таңда да өңір тұрғындарының еселі еңбегі реформалардың табысты жүзеге асуына, экономиканың өркендеуіне кепіл болсын. 

Шын жүректен Сіздерге және жақындарыңызға зор денсаулық, мол бақыт, әр шаңыраққа молшылық пен игілігік, жаңа жетістіктер тілеймін

• 16.12.2019
• 511