Қазақ ұлттық аграрлық зерттеу университетінде «Суды үнемде – болашақты сақта!» тақырыбында өткен экосағатқа қатыстым.

Іс-шарада Мәжіліс жанындағы Қоғамдық палата мүшесі, эколог, «Қазақ табиғатты қорғау қоғамы» қоғамдық бірлестігінің төрағасы Айжан Сқақова және ҚР Президенті жанындағы Ұлттық ғылым академиясының президенті, Қазақ ұлттық аграрлық зерттеу университетінің ректоры Ақылбек Күрішбаев та болды.

Біз студенттерге суға ұқыпты қараудың маңызы, су ресурстарын үнемдеудің тиімді тәсілдері және Қазақстанның су қорын ұтымды пайдалануды қамтамасыз етуге бағытталған мемлекет қабылдап жатқан шаралар туралы айтық. Одан кейін пікірталас өтіп, министрлігімізге қарасты ұйымдардың басқа да мамандарымен бірге студенттердің сұрақтарына жауап бердік.

Айта кетсем, экосағаттар еліміздің 18 жоғары оқу орнында бір мезгілде өтті. Іс-шараларға офлайн форматта 4 мыңнан астам студент қатысып, онлайн режимде 120 университет пен колледждің білім алушылары, сондай-ақ 700 жалпы білім беретін мектептің оқушылары қосылды.

• 08.05.2026
• 5