Қосымбаев Т.Е.
ҚР ҰЭМ Табиғи монополияларды реттеу комитетінің төрағасы
Тимур Қосымбаев Братиславада өткен ERRA жыл сайынғы конференциясына қатысты
Қазақстан Республикасы Ұлттық экономика министрлігі Табиғи монополияларды реттеу комитетінің төрағасы Тимур Қосымбаев 2026 жылғы 27–28 сәуір күндері Словакия Республикасының Братислава қаласында өткен ERRA-ның 23-ші жыл сайынғы конференциясына және Бас Ассамблея отырысына қатысты.
ERRA-ның жыл сайынғы конференциясы, қауымдастықтың 25 жылдығына орай ұйымдастырылып, энергетикалық реттеу саласындағы жетекші халықаралық алаңдардың бірі болып табылады және әртүрлі елдерден реттеуші органдардың, халықаралық ұйымдардың, сарапшылар қауымдастығының және энергетикалық компаниялардың өкілдерін біріктіреді.
2026 жылы қатысушылардың негізгі назары энергетикалық саясатты трансформациялау және реттеуді қазіргі заманғы сын-қатерлерге бейімдеу мәселелеріне аударылды. Панельдік сессиялар мен сараптамалық пікірталастар барысында электр және газ нарықтарын дамыту, жаңартылатын энергия көздері мен энергия сақтау жүйелерін енгізу, цифрландыру мен жаңа технологиялардың энергетика саласына әсері, сондай-ақ энергия тиімділігін арттыру мәселелері талқыланды. Сонымен қатар бөлшек сауда нарықтарды реттеуді жетілдіру, тариф қалыптастыру тетіктері және саланың трансформациясы жағдайында тұтынушылардың мүдделерін қорғау шараларына ерекше назар аударылды.
Қазақстан Республикасы ERRA-ның толыққанды мүшесі болып табылады және қауымдастықтың жоғары басқару органы Бас Ассамблея жұмысына қатысады. Отырыс барысында ERRA-ның басқарушы органдарын қалыптастыру, жарғыға өзгерістер енгізу, сондай-ақ стратегиялық және бюджеттік шешімдерді қабылдау мәселелері қаралды. Қазақстанның қауымдастықтың іс-шараларына қатысуы халықаралық ынтымақтастықты нығайтуға, озық тәжірибелермен алмасуға және табиғи монополияларды реттеудің ұлттық жүйесінің тиімділігін арттыруға ықпал етеді.
- 18.05.2026
- 9
