V Еуразиялық экономикалық форум

Бұл аптаның маңызды оқиғасы - еліміздің ЕАЭО органдарына төрағалық ету аясында Қазақстанда өтіп жатқан V Еуразиялық экономикалық форум болды.

ҚР Қаржы министрлігі электронды шот-фактуралардың ақпараттық жүйесі мен тауарларды қадағалау тетіктерін дамытуға бағытталған мемлекеттік қаржы, сауда және кеден қызметін басқару саласындағы негізгі цифрлы бастамаларды таныстырды. Бүгінде жүйеде 1,7 млрд астам электронды шот-фактура мен ЕАЭО-ға мүше мемлекеттердің өзара саудасы шеңберіндегі құжаттарды қоса алғанда, тауарларға арналған 96 млн-ға жуық ілеспе жүкқұжаты рәсімделді.

Форум аясында сыртқы өткізу пункттерінде цифрлы инфрақұрылымды жаңғырту нәтижелері де жарияланды. Жүргізілген жұмыс өткізу қабілетін едәуір арттыруға және сыртқы экономикалық қызмет қатысушылары үшін рәсімдерден өту уақытын қысқартуға мүмкіндік берді.

Цифрлы технологияларды дамыту және жасанды интеллектіні енгізу Қазақстанның негізгі басымдықтарының бірі болып қала береді. ЕАЭО шеңберіндегі ынтымақтастықты одан әрі нығайту азаматтар мен бизнес үшін неғұрлым тиімді, заманауи және жайлы сервистер құруға мүмкіндік беретініне сенімдімін.

• 29.05.2026
• 2