ХВҚ-ның Қазақстандағы миссиясының жаңа басшысымен өзара әріптестіктің өзекті тұстарын талқыладық

ХВҚ-ның Қазақстандағы миссиясының жаңа басшысымен өзара әріптестіктің өзекті тұстарын талқыладық

Халықаралық валюта қорының Қазақстан бойынша миссиясының жаңа басшысы Әмина Лареш және қор сарапшыларымен болған кездесуде еліміздің әлеуметтік-экономикалық дамуындағы өзекті мәселелерді, мемлекеттік қаржының орындалуы мен ынтымақтастықтың одан әрі нығайтудың өзге де бағыттарын пысықтадық.

Айталық, Цифрлы үкіметті қолдау орталығында шетелдік әріптестерге мемлекеттік басқарудың цифрлы трансформациясы мен бюджет процестерінің цифрландырылуы бағытында Қазақстанда іске асырылып жатқан бастамалар таныстырылды. Әсіресе мемлекеттік қаржы саласындағы заманауи цифрлы өнімдер мен басқарушылық шешімдерді қабылдауға арналған аналитикалық құралдарды дамытуға ерекше мән берілді.

Қуантарлығы, аталған қаржы институтының өкілдері еліміздің мемлекеттік секторды цифрландыру мен мемлекеттік қаржы жүйесін басқару саласындағы жетістіктерін жоғары бағалап өтті.

Осы орайда ХВҚ-дағы әріптестерге сындарлы диалог пен тұрақты консультацияларға,  сондай-ақ сараптамалық қолдау көрсеткені үшін алғыс айтамын! Біз орнықты экономикалық өсім мен мемлекеттік басқарудың тиімділігін күшейтуге бағытталған бірлескен жұмысты жалғастыруға мүдделіміз.

• 09.06.2026
• 4