Ақмола облысы бірінші орын алды

Мемлекеттік қызмет істері агенттігі 2020 жылы мемлекеттік қызмет көрсету сапасының қоғамдық мониторингін ұйымдастырды. Сауалнаманы "Талап" қолданбалы зерттеулер орталығы БҰҰ Қазақстандағы Даму бағдарламасының көмегімен жүргізді.

Қоғамдық мониторингтің мақсаты - көрсетілетін қызметті алушылардың мемлекеттік көрсетілетін қызметтердің сапасына, қолжетімділігі мен тәртібіне қанағаттану деңгейін айқындау, сондай-ақ көрсетілетін қызметті алушылардың барлық мемлекеттік органдар мен "Азаматтарға арналған үкімет" мемлекеттік корпорациясы көрсететін қызметтердің сапасы мен қолжетімділігі туралы ұсыныстары негізінде оларды көрсету кезінде проблемалық мәселелерді анықтау болып табылады.

Зерттеудің негізгі әдістеріне сандық (жаппай сауалнама) және сапалық (терең сұхбат, "құпия сатып алушы", фокус-топтық сұхбат) жатады. Зерттеу мемлекеттік қызмет көрсету сапасын бағалаудың мынадай негізгі критерийлері бойынша жүргізілді: қолжетімділік (көрсетілетін қызметті берушінің ғимараты мен сервистеріне, қызметті алу кезіндегі ыңғайлылық пен жайлылық), ақпарат (қызметті көрсету тәртібі туралы толық ақпарат), қызметкерлер (персонал мен виртуалды консультанттардың жұмысы), рәсім, күту мерзімі мен уақыты, шығындар, кері байланыс (шағымдану тәртібі мен нәтижесі).

Жергілікті атқарушы органдар арасында Ақмола облысы бірінші орын алды (мүмкін 5 баллдың 4.73-і, қанағаттану деңгейі-80,3%).

Сонымен ұатар, ҚР өңірлері арасында 2016 жылдан бастап 2020 жылға дейін мемлекеттік қызметтер көрсету сапасын бағалауға қоғамдық мониторинг жүргізудің бес жылдық кезеңінде Ақмола облысының ЖАО-да мемлекеттік қызметтер көрсету сапасын бағалаудың орташа балынан (4,81 және 83,9 қанағаттану деңгейі) айтарлықтай жоғары.

Бүгін мүдделі мемлекеттік органдарға 2020 жылға арналған қоғамдық мониторинг нәтижелері жіберілді, оның қорытындысы бойынша мемлекеттік қызметтер көрсету сапасының қоғамдық мониторингінің есебінде көрсетілген ұсынымдарды орындау бойынша шаралар қолданылатын болады.

• 08.04.2021
• 225