Қаржы министрлігі мемлекеттік қаржы саласының біртұтас цифрлы экожүйесін қалыптастырып жатыр

Біз мемлекеттік қаржы жүйесін цифрлық трансформациялауды жалғастырып жатырмыз. Бұл ретте кірістерді қалыптастыру, бюджеттік жоспарлау, мемлекеттік сатып алу және қазынашылық атқару процестерін бірыңғай цифрлық контурға біріктірудеміз. Цифрландыру қазірдің өзінде айтарлықтай экономикалық нәтиже беріп отыр. Бюджетке қосымша 410 млрд теңге түсім қамтамасыз етілді, ал бюджеттік жоспарлау кезінде фискалдық деректерді қолдану жыл сайын 200 млрд теңгеге дейін үнемдеуге мүмкіндік береді. 2027–2029 жылдарға арналған бюджетті қалыптастыру барысында 1,5 трлн теңге көлеміндегі шығыстардың алдын алынды. Платформалық жұмыспен қамтуды дамытуды да жалғастырып жатырмыз. Арнайы салық режиміне 38 цифрлық платформа қосылды, өзін-өзі жұмыспен қамтығандардың саны 804,8 мың адамға жетті, ал 600 мыңнан астам азамат ресми экономикалық айналымға тартылды. Сонымен қатар «Салық сервис ретінде» қағидатын іске асырып жатырмыз. Ол салық есептілігі мен есептеулерді автоматтандыруды көздейді. Негізгі мақсатымыз – есептілікті «бір басу арқылы» тапсыру форматына көшу. Жасанды интеллектіні қолдануға да ерекше көңіл бөлудеміз. 672 қосымша тәуекел анықталды. Бұл бақылаудың дәлдігін арттырып, адал бизнеске түсетін әкімшілік жүктемені азайтуға мүмкіндік береді. 2029 жылға қарай ШОБ-тың салықтық міндеттемелерінің кемінде 80%-ын жасанды интеллект арқылы алдын ала толтыруды қамтамасыз етуді және адал салық төлеушілерге жүргізілетін тексерулерді 50%-ға қысқартуды жоспарлап отырмыз. Цифрлық трансформация мемлекеттік қаржыны басқарудың ашықтығы мен тиімділігін арттыруға, әкімшілік жүктемені азайтуға, бизнес пен азаматтарға қолайлы сервистер құруға бағытталған.

• 07.10.2026
• 9