Жұмыс сапары барысында Көкшетауда ҚР Сыбайлас жемқорлыққа қарсы іс-қимыл агенттігі төрағасының бірінші орынбасары Олжас Бектенов пен ішкі істер министрінің орынбасары Алексей Калайчиди болды

Қонақтар өңірдің сыбайлас жемқорлыққа қарсы қызметінің жеке құрамымен кездесу өткізді. Олжас Бектенов қызметкерлерге Қазақстан Республикасының Сыбайлас жемқорлыққа қарсы іс-қимыл саласындағы саясатын іске асыру, сондай-ақ осындай құқық бұзушылықтарды анықтау, жолын кесу, ашу және тергеу бойынша жауапты миссия жүктелгенін еске салды.

Кейін облыс әкімі Ермек Маржықпаевпен бірге қонақтар цифрландырудың бірыңғай өңірлік операторы – «Цифрлық Қазақстан» мемлекеттік бағдарламасы аясында құрылған «Smart Aqmola» компаниясының жұмысымен танысты. Геоақпараттық жүйенің, «112» колл-орталығының, бірыңғай кезекші-диспетчерлік қызметтің және геопорталдың жұмысын компания басшысы Бауыржан Рапиков таныстырды.

Оның айтуынша, жүйе жер қатынастары мен сәулет саласында көрсетілетін бірқатар мемлекеттік қызметтерді автоматтандыруға мүмкіндік береді, инфрақұрылымды салу және жөндеу, медициналық қызметтерді көрсету, көлік артерияларының жүктелуі бойынша деректердің үлкен көлемін жинау, сақтау, визуализация және өңдеу үшін қолданылады. Сондай-ақ, Портал қаланың тыныс-тіршілігін қамтамасыз ету қызметтерінің және шұғыл жағдайларда азаматтардың қауіпсіздігінің өзара іс-қимылын жүзеге асырады.

Ермек Маржықпаев қонақтардың назарын «ақылды тұрғын үй орамы» тұжырымдамасын іске асыруға аударды. Оның аясында арнайы датчиктер жылуды, газды және жарықты тұтынуды есепке алып қана қоймайды, сонымен қатар аулаларда бұлтты бейнебақылаумен айналысады, жақын маңдағы бағдаршамдар мен жарықтандыру деңгейін бақылайды, ауаның ластану дәрежесін өлшейді.

Жұмыс сапарының жалғасы ретінде Олжас Бектенов пен Алексей Калайчиди «Болашақ сарайы» балалар мен жасөспірімдер сарайына барды. Олар үшін заманауи зертханалар мен шығармашылық шеберханаларға экскурсияны мекеме директоры Айнагүл Балташева жүргізді.

Сапар Назарбаев даңғылы, 35А мекенжайындағы облыстық полиция департаменті ғимаратындағы «Adaldyq alańy» жобалық кеңсесіне барумен аяқталды.

Қонақтар атап өткендей, сыбайлас жемқорлық барлық елдер үшін күрделі және көп қырлы проблема болып табылады, оған қарсы іс-қимыл кешенді түрде жүзеге асырылуы тиіс. «Adaldyq alańy» брендіндегі сыбайлас жемқорлыққа қарсы кеңселер мемлекет пен қоғамның күш-жігерін біріктіретін бірегей алаңға айналды. Полиция департаментінің жобалық кеңсесі келушілер үшін барынша қолайлы «орепѕрасе» форматында жұмыс істейді. Мемлекеттік құрылымдардың халық үшін, атап айтқанда құқық қорғау органдары үшін қолжетімділігін арттыру – басым міндеттердің бірі. Ашық кеңістікке көшу қызметкерлердің ұйымдастырушылық мәдениетіндегі өзгерістерді және олардың клиенттерге бағдарлануының артуын білдіреді, деп атап өтті жоғары лауазымды шенеуніктер.

• 15.04.2021
• 321