ЖЕКЕ ТҰЛҒАЛАРДЫҢ САЛЫҚ КОДЕКСІНЕ ӨЗГЕРІСТЕР ЕНГІЗІЛДІ

Жеке тұлғалар салық заңнамасына сәйкес www.kgd.gov.kz ресми сайтындағы калькулятор батырмасы арқылы өз салығын есептеп, төлеуге міндетті. Бұл туралы Маңғыстау облысының қоғамдық коммуникация орталығында өткен брифингте Ақтау қалалық мемлекеттік кірістер басқармасының бөлім басшысы Азамат Сағидуллаев мәлім етті.

«2020 жылдан бастап көлік салығын төлеу мерзімі өзгерді. Енді 2021 жылдың көлік салығын төлеу мерзімі 2022 жылдың 31-наурызына дейін екендігін хабарлаймын. Жеке тұлғалар көлік салығын төлемеген жағдайда өсімпұл жүріп жатқанын хабарлаймыз. Егер, салығын төлемеген жағдайда салық органы тарапынан салық төлеушіге хабарлама жолданады. 30 жұмыс күн ішінде төлеп үлгермеген жағдайда жеке сот орындаушыларының құзіретіне беріледі. Пандемия кезінде халықты көптеп шоғырландырмау мақсатында "e-Salyq Azamat"мобильді қосымшасы іске қосылды. Осы қосымша арқылы жеке тұлғалар өз атына тіркелген автокөліктер бойынша мәлімет алуға болады. Сондай-ақ ол жерде артық төленген төлемдерді қайтару бойынша өтінім бере алады. Тиімді және қолайлы қосымша болып келеді. Жеке тұлғалар көлік салығына қандай жағдайда босатылады деген сұраққа келетін болсақ ҰОС ардагерлері және оған теңестірілген адамдар 1,2,3 топтағы мүмкіндігі шектеулі жандар көлік салығынан босатылады»,-деді Азамат Сағидуллаев.

• 15.04.2021
• 171