МАҢҒЫСТАУ ОБЛЫСЫНДА ЖЫЛ БАСЫНАН БЕРІ 31 ЭКОЛОГИЯЛЫҚ ҚҰҚЫҚБҰЗУШЫЛЫҚ АНЫҚТАЛДЫ

Маңғыстау облысында жыл басынан бері 31 экологиялық құқықбұзушылық анықталды. Бұл туралы Қоғамдық коммуникация орталығында өткен брифингте облыстық экология департаментінің басшысы Руслан Төкенов мәлім етті. 

Оның айтуынша, соңғы 4 айда департамент мамандары 16 тексеріс жүргізді. Тіркелген 31 құқықбұзушылықты жою бойынша нұсқама берілді. Оның 23-і орындалды. 

«Бұдан бөлек қоршаған ортаға зиын келтірген 6 дерек тіркелді. Осы бойынша 21 840,010 мың теңге мемлекетке төленуі тиіс болды. Оның 18 531,913 мың теңгесі ерікті түрде қайтарылды. Ал 3 308,097 мың теңгені мәжбүрлеп өндіріп алу үшін  бір іс сотқа жолданды. Тексеріс жұмыстары әлі де жалғасады», - деді Руслан Төкенов.

• 15.04.2021
• 174