Ақтау сауда орталығында жылжымалы “егу пункті” ашылды

Ақтау қаласы әкімдігінің ұйымдастыруымен 16 шағынауданда орналасқан «Ақтау» ойын-сауық орталығында “Ясин” емханасының жылжымалы егу пункті ашылды. 

“Ясин“ медициналық орталығының дәрігері Татьяна Павлованың  айтуынша, егу бөлмесі күн сайын 12.00-20.00 аралығында жұмыс істейді.

“Мұнда 2 дәрігер, 2 медбике және көмекшілер болып, жалпы 2 топ күн сайын қызмет етеді. Бүгін 40 доза короновирусқа қарсы «СПУТНИК-V» вакцинасын алып келдік. Қала тұрғындарынан 25 адам екпе салдырды”-,дейді Татьяна Павлова.

Айта кетейік, процедурадан бұрын әрбір адамның денсаулығы тексеруден өткізіледі, қан қысымы, дене температурасы, басқа да көрсеткіштері өлшенеді. Медициналық қарсы көрсетулер болмаған жағдайда ерікті түрде екпе алуға келген адамға вакцина егіледі. Екпе тегін түрде салынады.

• 15.04.2021
• 223