ОҢДАСЫН ОРАЗАЛИН: ҚАЛАМЫЗДЫ КӨРКЕЙТУ МЕН АБАТТАНДЫРУ ЖҰМЫСТАРЫ ЖАЛҒАСА БЕРЕДІ

Бейсенбі, 15 сәуір күні Ақтөбе облысының әкімі Оңдасын Оразалин жұмыс сапарымен қала ішін аралап, бірқатар нысандардың жұмысымен танысты.
Аймақ басшысы ең алдымен «Анаға тағзым» орталығы алаңында қаланы дамыту жобаларымен танысты. Қала әкімі Асхат Шахаров аймақ басшысына Батыс 2 шағын ауданындағы жүргізіліп жатқан жол жөндеу және абаттандыру жұмыстарының жобасымен таныстырды.   
Өңір басшысына облыс әкімінің орынбасары Мейрамбек Шермағамбет «Анаға тағзым» орталығына қарсы бетте еліміздің 30 жылдығына орай тұрғызылатын «Азаттықтын ақ таңы» атты тарихи кешенінің эскиздік жобасымен таныстырды. Содан кейін облыс әкімі «Триатлон» саябағын аралап, «Таза бейсенбі» көгалдандыру аясында жүргізіліп жатқан жұмыстарымен танысты. Шаһар басшысының мәліметіне сәйкес, триатлон аумағына 2 жарым мыңнан астам жас көшеттерді отырғызу жоспарлануда.     
Өңір басшысы Авиагородок ауданындағы саябақты аралап көріп, абаттандыру жұмыстарымен және болашақта салынатын балаларға арналған спорттық-ойын алаңдары жобасымен танысты.   Оңдасын Оразалин аралау барысында «Нұр Ақтөбе» шағын ауданын абаттандыру және саябақтардың құрылысы жұмыстарының жобасымен де танысты. Келешекте бұл ауданда Өнер орталығы бой көтеріп, спорттық-сауықтыру, балалар ойын алаңдары және бассейндер іске қосылмақшы.          

• 16.04.2021
• 280