АҚТАУ ҚАЛАСЫНДА ТӘУЕЛСІЗДІК АЛҒАН 30 ЖЫЛ ІШІНДЕ 14 МЕКТЕП АШЫЛДЫ

Бұл туралы Ақтау қаласы әкімінің баспасөз қызметі хабарлайды. Бүгінде 25 мектептен 46029 оқушы тәрбиеленіп жатыр. 

«Әрине, Тәуелсіздік алғалы  30 жылда 14 мектеп ашылды, оның 6-уы мемлекеттік, 8-і инвестор есебінен ашылған жекеменшік мектептер. Әр оқушыға сапалы білім мен саналы тәрбие беру жолында еңбек етіп жатқан педагогтарымыз жыл сайын білімін жетілдіретін курстардан өтеді. Енді әлемді әбігерге салған коронавирус індетіне байланысты сантитарлық нормаларды  қатаң сақтай мектептер өз жұмысын  жасауда, - деді Ақтау қалалық  білім бөлімінің басшысы міндетін атқарушы Бағдат Турганбаева.

Қазіргі уақытта қаламызда 25 мемлекеттік, 8 жекеменшік мектеп  жұмыс істейді. Қаламыздың туу көрсеткішінің артуы мен урбандалуы нәтижесінде мектеп  жасындағы балалар артып келеді. Яғни, жаңа мектептерге қажеттілік бар. Осы орайда, жаңа 2021-2022 жаңа оқу жылында екі мектеп (34 ш/а, Шығыс-1) іске қосылады. 

• 19.04.2021
• 219