Бүгін облыс әкімдігінің отырысы барысында қала және аудан әкімдеріне жол жөндеу жұмыстарының сапасын мұқият тексеруді тапсырдым

Әсіресе, Өскемен және Семей қалалары бойынша тұрғындардан түсетін шағым көп. Республикалық комиссияның зертханалық тексеру нәтижелерінде көрсетілген кемшіліктер де бар. Екі қаланың әкімдеріне және басқарма басшысына тиісті органдарды тарта отырып, жүзеге асырылатын жұмыстардың сапасын қосымша тексеруді қамтамасыз ету, сондай-ақ кепілдік мерзімі бар, бұған дейін қолданысқа енгізілген учаскелерді тағы бір мәрте тексеру тапсырылды. Сонымен қатар, аяқталуы 2021 жылға жоспарланған барлық нысандарды уақытында пайдалануға беруді қамтамасыз ету қажеттілігі ескертілді.

Биыл облыстық және аудандық маңызы бар жолдардан жалпы ұзындығы 137 км тоғыз учаскені жөндеу жоспарланған, оның ішінде 86 км – облыстық, 51 км – аудандық маңызы бар жолдар. Бұдан басқа, қалалар мен аудандардың 200 км көше-жол желісіне жөндеу жүргізіледі.

Сондай-ақ, қазіргі таңда Семей қаласында автожол көпірін қайта жаңартуға жобалық-сметалық құжаттама әзірленді. Қазіргі уақытта жоба мемлекеттік сараптамадан өтуде.

Биыл Өскемен және Семей қалалары мен Шемонаиха ауданының айналма жолдарының ЖСҚ дайындау жұмыстарын аяқтау қажет. Семей қаласындағы әуежайды жаңарту жұмыстары аяқталды. Биыл Өскемен және Үржар ауданының әуежайларын қайта жөндеуден өтеді. Қатонқарағай ауданында да бұл бағыттағы жұмыстарды бастау жоспары бар. Ел Президенті Қасым-Жомарт Кемелұлы Тоқаевтың қолдауымен Бұқтырма су қоймасы арқылы өтетін көпірдің құрылысы басталды. Осылайша, 2022 жылдың соңына қарай біз барлық негізгі инфрақұрылымдық міндеттерді орындауға тиіспіз.

Осы ретте әкімдер жұмыс сапасын қатаң қадағалаулары керек. Барлық орындалатын жобалардың сапасына объективті және адал бақылау болуы тиіс.

• 23.04.2021
• 358