Атырау МӨЗ-інде жөндеу жұмыстары аяқталды

Ағымдағы жылдың 28 сәуірінде «Атырау МӨЗ» ЖШС-де жөндеу жұмыстары жүргізіліп болғаннан кейін барлық қондырғылар технологиялық режимге шығарылды.

Жоғарыда аталған жұмыстардың нәтижесінде жоғары октанды бензин өндірісінің көлемі тәулігіне 4 мың тоннаға дейін, яғни 2 есеге артты.

Ағымдағы жылдың мамыр айында «ПКОП» ЖШС-де күрделі жөндеу жұмыстарын жүргізу жоспарланып отыр.

Ағымдағы жылғы 29 сәуірдегі жағдай бойынша мұнай өнімдерінің жиынтық қоры қолайлы деңгейде, яғни бензин бойынша 267,0 мың тонна, ал дизель отыны бойынша 335,3 мың тонна, аталған жағдай тапшылықтың жоқтығын және ішкі нарықтың қажеттіліктеріне арналған ЖЖМ көлемі «ПКОП» ЖШС жөндеу жұмыстары жүргізілетін кезде де жеткілікті мөлшерде болатындығын көрсетеді.

• 01.05.2021
• 313