МАҢҒЫСТАУ БАРЫСЫ анықталды.

Бүгін Республикалық "ҚАЗАҚСТАН БАРЫСЫ" жобасына облыстық іріктеу кезеңі өткізілді. Аймақтағы 5 аудан мен Ақтау, Жаңаөзен қаласынан барлығы 14 балуан бақ сынады. Ақтық кезең "Шоғы батыр" атындағы БМЖС мектебінде барлық санитарлық талаптарға сай өткізілді. Сонымен қатар, сайыстың ашық әрі әділ өткізілуін "Қазақ күресі" Республикалық федерациясы мүшелері, Маңғыстау облыстық Қазақ күресі федерациясының Президенті, Маңғыстау облыстық дене шынықтыру және спорт басқармасы басшысы тікелей бақылады. Белдесу нәтижесі бойынша: 

3-орын: Оразалы ТӨЛЕЕВ (Түпқараған ауданы) 

2-орын: Жасұлан ТАҢАТОВ (Ақтау қаласы) 

1-орын: Нұрдәулет ЖАРЫЛҒАПОВ (Бейнеу ауданы) 

ҚАРА БУРА - МАҢҒЫСТАУ БАРЫСЫ ! 

Аталған жарыстың қорытындысына сәйкес, Нұрдәулет ЖАРЫЛҒАПОВ пен Жасұлан ТАҢАТОВ "ҚАЗАҚСТАН БАРЫСЫ" РЕСПУБЛИКАЛЫҚ ЖОБАСЫНА ҚАТЫСАДЫ. 

Республикалық сайыс 4-шілде күні, Нұр-сұлтан қаласында өтеді. Маңғыстаулық балуандарға сәттілік пен жеңіс тілейміз!

• 04.05.2021
• 219