МАҢҒЫСТАУ ОБЛЫСЫ ЖОБАЛЫҚ БАСҚАРУ ЖҮЙЕСІН ЕНГІЗУДЕ

Маңғыстау облысы әкімдігінің жанынан жобалық кеңсе өз жұмысын бастады. Бұл жөнінде облыс әкімі С.Трұмовтың төрағалығымен өткен жиында Маңғыстау облысы Жобалық офисінің басшысы Б.Жүсіпов баяндама жасады. 

Жобалық кеңсе – бұл облыс әкімдігі жүзеге асыратын барлық жобалардың бірыңғай базасы. Бұл деректер базасында нысандардың барлық паспорттары, іске асыру мерзімдері мен кезеңдері, сондай-ақ ағымдағы сәті көрсетіледі. Барлық осы деректер үнемі жаңартылып, жобалар саны артып келеді. 

Осылайша, жауапты тұлғалар мен аймақ басшылығы осы немесе басқа жобаны құру процесін бақылауда ұстауға мүмкіндік алады. Жобалық кеңсе сияқты құрал әкімдікте ашық және басқарылатын жобалық қызметті қамтамасыз етуге мүмкіндік береді. 

Жобаларды жедел бақылау және басшылықты уақтылы хабардар ету мәселенің пайда болуынан оны шешуге дейінгі уақытты қысқартады.

Бүгінгі күні жобалық кеңсеге 849 жоба жүктелді. Оның ішінде: «Адами капитал» базалық бағыты бойынша – 119, «Инфрақұрылымды дамыту» ББ бойынша – 505, «Кәсіпкерлік және индустрия» ББ бойынша – 88, «АӨК» ББ бойынша – 41, «Мемлекеттік сектор, мемлекеттік көрсетілетін қызметтер» ББ бойынша – 93.

Сондай-ақ, қала, аудан әкімдіктерінде, облыстық басқармаларда деректер базасына жобаларды жүктеуге жауапты мамандар бекітілді. Олардың барлығы кросс-платформасын пайдалану дағдыларына, жедел әдістемелік көмек көрсету процесін пысықтауға оқытылды. 

• 04.05.2021
• 180