Құрметті әскери қызметшілер мен Қарулы Күштердің ардагерлері! Құрметті Ақмола облысының тұрғындары!

Сіздерді Отан қорғаушылар күнімен құттықтаймын! Бұл күш пен батылдықты, табандылық пен патриотизмді білдіретін күн. Ол өз еліне адал және лайықты қызмет етуді өзінің борышы санайтындардың барлығын біріктіреді.

Келесі жылы біз Қазақстан Республикасы Қарулы Күштерінің құрылғанына 30 жыл толуын атап өтеміз.

Тұңғыш Президент – Елбасы Нұрсұлтан Әбішұлы Назарбаевтың, Мемлекет Басшысы Қасым-Жомарт Тоқаевтың күш-жігерінің арқасында әскери іс тағы да беделді болды, ал қарулы күштер жаңа жағдайда-ақ өздерінің қажеттілігі мен тиімділігін көрсетуде. Бүгінде біздің армиямыз жауынгерлік даярлықтың жоғары деңгейімен, сапалы жұмылдыру резервімен, ұлттық әскери оқу орындарының желісімен және қажетті материалдық-техникалық қамтамасыз етумен ерекшеленеді.

Қазақстанның қазіргі заманғы армиясы-кез келген сыртқы қатерден берік қалқан, мемлекеттің тұрақты дамуы жолындағы сенімді тірек. Ақмола жері бүгінгі күнге дейін ар-намыс, қадір-қасиет және патриотизмнің бейнесі болып табылатын айбынды сарбаздар мен офицерлермен әйгілі. Олар-Мәлік Ғабдуллин, Сағадат Нұрмағамбетов және Талғат Бегелдинов – өз Отанының игілігі үшін ерлік қызметі Отан қорғаушылардың жаңа буынына мәңгі үлгі болған аңыз адамдар.

Құрметті әскери қызметшілер! Бүгін сіздерге — Қазақстанның егемендігі мен жеріміздегі тыныштықты қорғау жөніндегі жоғары миссия жүктелген. Бейбіт Қазақстан аспанының астында әрдайым бейбітшілік пен келісім салтанат құрсын!

• 07.05.2021
• 60