БЕЙНЕУ ТҮЛЕКТЕРІ ҚАЙЫРЫМДЫ ІС ЖАСАДЫ

Бейнеу ауданының мектеп бітіргеніне 10 жыл толған түлектер қасиетті Рамазан айында ігі іске себепкер болды. Бұл бастама ел Тәуелсіздігінің 30 жылдығы аясында бастау алған Маңғыстау облысы әкімдігінің "30 игі іс" жобасы негізінде өтті. 

Шараға Бейнеу ауданы әкімінің орынбасары Рақымжан Шалабаев пен наиб иман Кемалбай Юсупбайұлы қатысты. 

Ауыл жастары қайырымдылыққа қор жинап, аудандағы көп балалы отбасыға үйдің кілтін табыс етті. Күтпеген жерден үйлі болған аудан тұрғыны Аманқосовтар отбасының қуанышында шек жоқ. 

“Өте қуандық жаңалықты естігенде. Осыған дейін 6 балаламмен 10 жылға жуық пәтер жалдап жүрдік. Осындай көмек жасап жатқан інілеріме алғысым шексіз.” - дейді Алуадин Аманқосов. 

Аудан түлектерінің мұндай  қайырымды шарасы дәстүрге айналған. Бұған дейін 2009, 2010 жылғы түлектердің демеушілігімен көп балалы отбасылар үйлі болды.

Жастардан игі шараны 2012 жылғы түлектер қабыл алды.  

• 11.05.2021
• 213