КАДРЛЫҚ АУЫС-ТҮЙІС

Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің Маңғыстау облыстық аумақтық инспекциясының басшысы болып Темірбек Сәрсенбиұлы Нұртазин  тағайындалды.
 Т.Сәрсенбиұлы 1966 жылы туған, білімі жоғары. 1990 жылы Ленинград ветеринарлық институтын  «ветеринарлық дәрігер» мамандығы бойынша бітірген.
Еңбек жолын 1990 жылы Целиноград ауыл шаруашылығы институтының кіші ғылыми қызметкері болып бастаған.
1994-1997 жылдары Ақтөбе ауыл шаруашылығы тәжірибе стансасының тіркеу пунктінің бастығы,  1994-2006 жылдары жеке секторда түрлі қызметтер атқарған. 2006-2012 жылдары аралығында Ақтөбе облысының жергілікті атқарушы органдарында жұмыс жасаған.
2012 жылдан  осы уақытқа дейін Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің Ақтөбе облыстық аумақтық инспекциясының басшысы қызметін атқарып келді. 

Қазақстан Республикасы Сауда және интеграция министрлігі Тұтынушылардың құқықтарын қорғау комитеті Маңғыстау облысының тұтынушылардың құқықтарын қорғау департаментінің басшысы болып Рауан Есенәліұлы Мұхаев  тағайындалды.
 Р. Есенәліұлы 1985 жылы туған, білімі жоғары. 2007 жылы Әл-Фараби атындағы Қазақ ұлттық университетін  «заңгер» мамандығы бойынша тәмамдаған. 
Еңбек жолын 2008 жылы Тараз қалалық әділет басқармасының жетекші маман қызметкері болып бастаған. 2012-2014 жылдары Жамбыл облысының әділет департаментінде түрлі лауазымдарында жұмыс атқарған.
2014-2017 жылдары Қазақстан Республикасының Әділет министрлігінде бас сарапшысы, 2017-2019 жылдары Үкіметтің Қазақстан Республикасының Парламенттегі Өкілдігінің бас сарапшысы, бас консультанты болған.
2019 жылдың тамыз айынан бастап осы күнге дейін Алматы қаласы әкімі аппаратының бірыңғай персоналды дамыту қызметінің бас инспекторы лауазымын атқарған.

Маңғыстау облысы әкімінің баспасөз қызметі

• 17.05.2021
• 226