ТМРК Energy Exemplar вебинарында қатысты

2021 жылғы 17 мамырда энергетика саласын реттейтін органдар үшін ұйымдастырылған «Жаңартылатын энергия көздерін біріктіруді жоспарлау және электр энергиясы мен газға желілік инвестицияларды айқындау» тақырыбында вебинар өтті.

Аталған іс-шараның ұйымдастырушысы Энергетиканы реттеуші органдардың өңірлік қауымдастығымен (ERRA) және Америка Құрама Штаттарының энергетикалық қауымдастығымен (USEA) бірлесіп Energy Exemplar болды.

Energy Exemplar электр энергетикасын, сумен жабдықтауды, газды және жаңартылатын энергия көздерін модельдеуге арналған бағдарламалық қамтамасыз етудің әзірлеушісі болып табылатынын атап өту қажет.

Вебинар энергетика саласын реттейтін органдар үшін ұйымдастырылғандықтан, оған ҚР ҰЭМ Табиғи монополияларды реттеу комитеті де қатысты.

Вебинарға ТМРК атынан төрағаның орынбасары, Асхат Жапсарбай, Стратегиялық талдау және халықаралық интеграция басқармасының басшысы, Саягүл Өмірзақова және Мұнай және газ тасымалдау саласын реттеу басқармасының басшысы Қазыбек Ратбеков қатысты.

Вебинар барысында Hrvoje Pozar атындағы (Хорватия) Энергетика институтының, Румынияның энергетиканы реттеу жөніндегі Ұлттық органының (ANRE), Австрияның электр энергиясы және табиғи газ нарықтарын реттеушінің (E-Control) және Энергетикалық реттеушілер ынтымақтастығы жөніндегі агенттіктің (ACER) өкілдері өздерінің көзқарастары мен елдік тәжірибелерімен бөлісті.

Мысалы, вебинар Аға вице-президент, Energy Exemplar, ЕМЕА басшысы, Майкл Шнайдердің кіріспе баяндамасынан басталды, онда ол жаңартылатын энергия көздерін біріктіруді жоспарлау және электр энергиясы мен газға желілік инвестицияларды айқындау туралы егжей-тегжейлі айтып берді.

Әрі қарай әртүрлі ұйымдар мен елдердің өкілдерінен қызықты баяндамалар болды.

Осы іс-шара бағдарламасының өзі келесі өзекті мәселелерді талқылауды қамтыды:

- желілік жоспарлау мен нарықты модельдеудің аймақтық тәсілі: Оңтүстік-Шығыс Еуропа үшін электр нарығы бойынша бастамасы;

- жаңартылатын энергия көздері және реттеуші органдардың болашақ рөлі;

- Румыния энергетикалық жүйесінің икемділігін және орнықты, тұрақты және тұтынушыға бағытталған энергетикалық болашақты қамтамасыз ету үшін жаңартылатын энергия көздерінің болашақ интеграциясын бағалау;

- желіні жоспарлауға байланысты ACER жұмысы.

Сонымен қатар, вебинарға қатысушылар аймақтық жобалар үшін экономикалық көрсеткіштерді алу әдістерін, сондай-ақ декарбонизация сценарийлерін және олардың интеграцияланған энергетикалық жүйелерге әсерін қарастырды.

Соңында, қатысушылар реттеуші органдардың өкілдерін қызықтыратын мәселелерді белсенді талқылады.

• 18.05.2021
• 317