БЕЙНЕУДЕГІ «ӘДІЛ» СҮТ ЗАУЫТЫНЫҢ ҚУАТЫ 20 ТОННАҒА ДЕЙІН АРТАДЫ

Бейнеу ауылындағы «Әділ» сүт зауытының  қуаты 1,8 тоннадан 20 тоннаға артады. Бұл туралы Қоғамдық коммуникация орталығында өткен брифингте Бейнеу ауданының әкімі Бейнеубек Әбілов мәлім етті. 

Оның айтуынша, қазір зауыттың өндірістік қуаттылығын ұлғайту мақсатында ғимаратта құрылыс жұмыстары жүргізілуде. Осы бағытта мекеме құрылтайшысы арқылы 160 млн. теңге, «Бизнестің жол картасы – 2025» бағдарламасы арқылы 196,450 млн. теңге, «Нұр Капитал» бағдарламасы арқылы 30 млн. теңге және «Қарапайым заттар экономикасы» бағдарламасы арқылы 43 млн. теңге қаражат жиналды. Нәтижесінде зауыттың қуаттылығы 1,8 тоннадан 15-20 тоннаға дейін артады деп күтілуде.

«Сонымен қатар, ауданымызда орналасқан шаруа қожалықтары зауытқа түйе және сиыр сүттерін тапсыруды қолға алды. Бүгінде келісімшартқа отыру жұмыстары жүргізілуде. Жалпы зауытта сүт, айран, қаймақ, сүзбе, шалап, шұбат және құрт өндіріліп отыр. Нысанды кеңейту арқылы 45 жаңа жұмыс орны ашылады» - деді Бейнеубек Әбілов.

• 21.05.2021
• 213