Мамыр айының басында, менің тапсырмам бойынша, өңірдің энергетикалық әлеуетінің қолданыстағы қуаттарына, сондай-ақ таяудағы 5 жылға жүктемелердің өсу жоспарына талдау жүргізу үшін жұмыс тобы құрылды

2021-2025 жылдар аралығында облыста жалпы қуаты - 308,6 МВт тұрғын үй құрылысы, кәсіпкерлік және туризм объектілерін қосу жоспарлануда.
Облыстың өндіруші станцияларынан желіге жіберу және тұтыну теңгерімі қазіргі уақытта өңірде электр энергиясының тапшылығы жоқ екенін көрсетеді.

Десе де, алдағы даму жоспарын ескере отырып, 2025 жылға дейін облыстың өндірілетін қуатын 228,6 МВт ұлғайтуға мүдделіміз. Өскеменде айналма схема бойынша қаланың сол жағалау бөлігін электрмен қамтамасыз ету үшін үш қосалқы станция мен әуе желісінің құрылысы жүріп жатыр. Алдағы жылдары "Ахмер" ҚС кеңейту жобасын іске асыру және оны "Өскемен 500 кВ" ҚС кернеуі 220 кВ әуе желілерімен қосу жоспарлануда.

Семей бойынша қаланы электрмен жабдықтау радиалды схема бойынша жүзеге асатынын атап өтемін, оның жүктеме орталығында тораптық қосалқы станция болып табылатын "18" 220/110/10кВ ҚС бар. Электрмен жабдықтау сенімділігін арттыру және қолда бар қуаттарды ұлғайту үшін 220/110/6кВ "Ұшақтар" ҚС салуға ТЭН әзірленуде. Бұдан басқа, 2023 жылы "Қарағайлы" ҚС қайта жаңарту бойынша ЖСҚ әзірленетін болады.
Қазіргі уақытта Зайсан айналмасының үлкен қашықтығы мен бастапқы көзінен алшақ орналасуына, сондай-ақ учаскеде генерациялайтын қуаттың болмауына байланысты кернеудің төмендеуі туындайды. Бұған жол беруге болмайды. Электрмен жабдықтаудың сенімділігі мен сапасын арттыру үшін №250 ӘЖ-110кВ "Көкпекті" ҚС-нан "Тәуке" ҚС-на дейін қалпына келтіру және "Казнаковка" ҚС-нан "Күршім" ҚС-на дейін ӘЖ-110кВ салу жоспарлануда.

Бұдан басқа, жақын арада электрмен жабдықтау сенімділігін арттыру үшін Абай және Катонқарағай аудандарын айналма электрмен жабдықтауды қамтамасыз ету жөніндегі жобалар қаралатын болады.

• 21.05.2021
• 246