АҒАШТАРДЫ СУАРУ МӘСЕЛЕСІ ШЕШІМІН ТАБУДА

Естеріңізде болса осыдан бір апта бұрын Ақтауда әуежай жолындағы талдарды суаратын су көлігінде техникалық ақау шығып, ол жағдай видеомен әлеуметтік желіде таралған болатын. 

Енді суару жұмыстары құбырмен жүргізілетін болды

Бұған дейін облыс әкімінің тапсырмасына сәйкес әуежай бағытындағы талдарды суару үшін арнайы жабдықтарға Ақтау қаласы әкімдігімен тапсырыс беріліп қойған. Оның ішінде, тек су құбыры ғана емес сорғы, сүзгі (насос, филтр) секілді бірнеше қажетті жабдықтары бар. 

Бүгінде осы толық жабдықтармен 7 шақырым жердің 2,5 шақырымға құбыр тарту жұмыстары жүргізілді. 

Әрі қарай, қала әкімдігі жергілікті “Ақтау полимер” зауытымен күніне 1 шақырымға құбыр жасап беретін болып келісім жасасты. Ертең осы аталған құбыр шығаратын зауыттың тағы 1 шақырым өнімімен барлығы 3,5 шақырым қашықтықтағы талдарды суару су құбырлары арқылы тамшылатып суару әдісімен жүргізіледі. 

Осылайша, әр күн сайын суару аймағы 1 шақырымға көбейіп отырмақ. 
Нәтижесінде, талдар тұрақты суарылып, тұрғындардың шағымы азаяды деген үміттеміз. 
 
Бүгін кешкі суару жұмыстары пилотты режимде қала әкімінің бақылауымен жүзеге асты.

• 25.05.2021
• 222