Асан Дарбаев ЭРРА Төрағаларының отырысына қатысты

Табиғи монополияларды реттеу комитеті Энергетиканы реттеу органдарының өңірлік қауымдастығының (ЭРРА) толық мүшесі бола отырып, іс-шараларға белсенді қатысу және энергетика саласымен байланысты проблемалық мәселелерді талқылау арқылы ұйыммен белсенді ынтымақтастыққа ұмтылады.

Осылайша, 19 мамырда онлайн режимде 30-дан астам елдің реттеушілерін біріктіретін Қауымдастықтың мүшелері басшыларының дәстүрлі отырысы өтті.

Әдеттегідей, аталған іс-шараның мақсаты энергетика саласын реттейтін мемлекеттік органдар тап болып отырған аса өткір проблемаларды талқылау, сондай-ақ электр энергиясы, газ және су ресурстары салаларындағы соңғы жаңалықтар мен оқиғалар туралы басқа елдердің әріптестерін хабардар ету болып табылады.

Еліміздің атынан отырыс жұмысына ТМРК төрағасы Асан Дарбаев қатысты.

Отырыстың басында іс – шараға қатысушыларды ЭРРА төрағасы, Грузияның Энергетика және сумен жабдықтауды реттеу жөніндегі ұлттық комиссиясының комиссары-Майя Меликидзе құттықтау сөзімен қарсы алды.

Қатысушыларға ЭЫДҰ-ның Еңбек өнімділігі жөніндегі жаһандық форумының өкілдері дайындаған COVID-19-дан кейінгі қашықтықтан жұмыс істеу және өнімділік туралы ЭРРА мүшелерінің сауалнамасының нәтижелері ұсынылды.

Отырыс барысында күн тәртібі аясында электр энергетикасы саласындағы реттеушілер өкілдері мен сарапшылардың баяндамалары келесі тақырыптар бойынша тыңдалып талқыланды:

- ырықтандырылған нарықтарға ауысатын елдер үшін электр энергиясын сатып алу туралы келісімдер;

- электр энергиясын сатып алу туралы келісімдер (Түркия тәжірибесі);

- Солтүстік елдердің электр энергиясын сатып алу туралы шарты: жаңартылатын энергия көздерінің өсуіне әсері және электр энергиясы нарықтарының салдары;

- Техастағы электр қуатын өшіру-реттеу сабақтары.

Аталған тақырыптар бойынша Франциядан Энергетиканы реттеу жөніндегі комиссияның өкілдері, ЭРРА реттеу жөніндегі мамандар, Түркиядан мамандар, АҚШ-тан Ұлттық реттеу саласындағы зерттеулер институтының (NRRI) ғылыми қызметкерлері сөз сөйледі.

Қорытынды бөлімінде ЭРРА Президиумының мүшесі Андрияна Нелькова-Чучук ЭРРА Комитеттерінің жұмысы мен болашақ бағдарламаларын атап өтті.

• 26.05.2021
• 288