Асхат Аймағамбетов Азия олимпиадасының жүлдегерлерін құттықтады

Жақында оқушылар арасындағы республикалық Олимпиада өз мәресіне жетті. Оған еліміздің 1500-ден астам дарынды оқушылары қатысты.

Шын мәнінде, бұл мұғалімдердің, балалар мен ата-аналардың орасан зор еңбегінің нәтижесі.

Біз балаларымыздың жеңістері мен жетістіктерге жетудегі ата-аналардың рөлін сирек атап өтеміз.

Алайда, іс жүзінде ата-ана қолдауының арқасында оқушы айтарлықтай жетістіктерге жетіп жатады.

Үй шаруасы мен жұмыс арасындағы үзілістерде баланы бір секциядан екіншісіне апару, үй тапсырмаларын орындау барысында оларға қолдау көрсету, қажет болған жағдайда қаталдық таныту – мұның барлығы ата-аналардың мойнында.

Сондықтан біз республикалық олимпиадаға қатысқан 1500 оқушының ата-аналарына алғыс хат жолдадық.

Айтпақшы, оқушыларымыз халықаралық деңгейдегі жетістіктерімен де қуантып жатыр.

Қазақстандық оқушылар Азия олимпиадасында бір алтын және үш қола медаль жеңіп алды. Қатысушыларды жеңістерімен құттықтаймын! Жеткіншектеріміз болашақта биік белестерді бағындырады деген сенім бар бізде!

Осы ретте тәлімгер ұстаздарға шәкірттерінің көрсеткен жақсы нәтижелері мен қосқан үлестері үшін алғыс айтамын.

• 27.05.2021
• 486