Ақтөбе облысында ауылдық аумақтарды дамытуға айрықша назар аударылады

27 мамыр, бейсенбі күні Ақтөбе облысының әкімі Оңдасын Оразалин жұмыс бабымен Қобда ауданына барып, ауылдардың, ауыл шаруашылығының дамуымен, әлеуметтік нысандардың құрылысымен және жөндеу жұмыстарымен танысты.

Жұмыс сапары Бұлақ ауылдық округіне қарасты Әлия ауылындағы көшелердің абаттандырылуымен танысудан басталды. Осы бағытта қандай жұмыстардың жүзеге асырылып жатқандығы жайында өңір басшысына Болат Құлов баяндады.

"Былтыр сіз ауылдардағы көшелерді абаттандыру жұмыстарын жандандыруға тапсырма бергенсіз. Сол тапсырмаға сәйкес осы ауылда Ә.Молдағұлова және К.Бәйсейітова атындағы көшелерді жарықтандыру және жаяу жүргіншілер жолдарын салу жұмыстары жүргізілуде. Жалпы құны - 23,7 млн теңге. Бәрін шілде айында аяқтау жоспарланып отыр», - деді Б. Құлов.

Абаттандару жобалары ауданның өзге елді мекендерінде де жүзеге асырылуда. Облыс әкімі Талдысай ауылының Абат Байтақ көшесі бойындағы жолды орташа жөндеу жұмыстарының барысын қарап шықты. Осы жылдың тамыз айына дейін 1,7 шақырым автокөлік жолын жаңарту жоспарлануда. Бұл мақсатқа 126 млн теңге бөлінді.

• 28.05.2021
• 274