Құрметті балалар! Қадірлі ата-аналар!

Сіздерді 1 маусым Халықаралық балаларды қорғау күнімен шын жүректен құттықтаймын!
Балаларды қорғау күні – бұл тек қана көңілді мереке емес, балалардың бақытты болып өсуі, жақсы жағдайда оқуы, өзінің сүйікті ісімен айналысып, болашақта тұлға болып қалыптасуы.

Құрметті ата-аналар және өскелең ұрпақтың дамуы мен тәрбиеленуіне өз септігін тигізіп жүрген аға ұрпақ өкілдері!
Баланың бақытты болуы - дені сау, тату, ауқатты отбасыларға байланысты. Бұл мереке әрқайсымыздың балалар алдындағы жауапкершілігімізді еске салады. Кішкентай азаматтарымыздың оқып тәрбие алуына, денсаулықтарын сақтап құқықтарын қорғайтын мамандарды да құттықтаймын!

Баршаңызды бүгінгі мерекемен тағы да құттықтай отырып, қуаныш пен шаттықтың ортасында ойнап-күліп, есен де сау ел мақтаныштары болуларыңызға тілектеспін. Тәуелсіз Қазақстанмен бірге өсіп өніңіздер!

• 01.06.2021
• 241