Ұлттық экономика министрлігінде Қоғамдық кеңес отырысы өткізілді

2021 жылғы 2 маусымда «Қазақстан экономистері қауымдастығы» қоғамдық қоры Қамқоршылық кеңесінің басшысы Ораз Жандосовтың төрағалығымен өткізілген Қоғамдық кеңес отырысы барысында Қазақстан Республикасының 2025 жылға дейінгі аумақтық-кеңістіктік даму жоспарының жобасы таныстырылып, сондай-ақ 2020 жылға арналған стратегиялық жоспар мен бюджеттік бағдарламалардың іске асырылу қорытындылары жасалды.   

«Елдің аумақтық-кеңістіктік дамуы елдің аумақтық тұтастығы, өңірлердің дербестігі, экономикалық ресурстардың шоғырлануы, елдің ішкі және сыртқы байланыстылығын сақтауға, өмір сүру сапасының базалық стандарттарын қамтамасыз етуге, өңірлерге сараланған тәсілді қолдануға негізделеді», - деді Ұлттық экономика вице-министрі Әлішер Әбдіқадыров.

Жоспар елдің кеңістіктік дамуына айтарлықтай әсер ететін алты негізгі үрдіске негізделген. Бұл аймақтандыру, экономикалық қуаттың Қытайға ауысуы, климаттың өзгеруі, цифрландыру және автоматтандыру, сондай-ақ мұнайға сұраныстың төмендеуі.

«Елдің аумақтық даму жоспарында 4 тәсіл қарастырылған. Бұл өңірлердің бәсекелестік артықшылықтары базасында «өсу нүктелерін» дамыту, басқарылатын урбандалу, «инфрақұрылымдағы адамдар, халықтың ұтқырлығының аумақтық байланысын қамтамасыз ету» бойынша ауылдық аумақтарды дамыту», - деді министрдің орынбасары.

Отырыс барысында ҚР ҰЭМ Экономика және қаржы департаментінің директоры Данабек Керімрай 2020 жылға арналған стратегиялық жоспар мен бюджеттік бағдарламаларды іске асыру, 2022-2024 жылдарға арналған бюджетті қалыптастыру қорытындылары туралы баяндады.

Оның айтуынша, 2020 жылы Министрліктің бюджеті толық көлемде игеріліп, жергілікті атқарушы органдарды қолдауға, Өңірлерді дамыту, «Бизнестің жол картасы 2025» бизнесті қолдау және дамыту бағдарламаларын іске асыруға, «Еңбек» Нәтижелі жұмыспен қамтуды және жаппай кәсіпкерлікті дамыту бағдарламасы бойынша, халықаралық ұйымдармен жобалар бойынша және т. б. бағытталған.

2022-2024 жылдарға арналған бюджетті қалыптастыруға келсек, спикер үш стратегиялық бағытты іске асыруға қаражат бөлу басымдылығын атап өтті. Әңгіме мемлекеттік басқарудың тиімді жүйесін дамыту, қазақстандық экономиканың бәсекеге қабілеттілігін арттыру және өңірлердің әлеуметтік-экономикалық әлеуетін дамыту туралы болып отыр.

Іс-шараға ҚР Парламенті Мәжілісінің депутаты Сергей Симонов, Блокчейн және криптотехнологияларды дамыту ұлттық қауымдастығының президенті Алан Дорджиев, «LRT құрылысы дирекциясы» ЖШС Бас директоры Әділше Ермұханов, азаматтық қоғам өкілдері Әнуар Боранбаев, Арман Дунаев, Азамат Нұрмұхамбетов, Дәрмен Сәдуақасов және Нұрлан Шоқпарбаев қатысты.

ҚР Ұлттық экономика министрлігінің Қоғамдық кеңесі «Қоғамдық кеңестер туралы» 2015 жылғы 2 қарашадағы Қазақстан Республикасының Заңында көзделген тәртіппен құрылған консультативтік-кеңесші, байқаушы орган. Кеңес халық алдында есеп беретін мемлекетті қалыптастыру жөніндегі мемлекеттік саясатты іске асыру үшін ведомствоның азаматтық қоғаммен өзара іс-қимылын қамтамасыз етеді.

• 03.06.2021
• 240