Қадірменді шығысқазақстандықтар!

Қазақстан Республикасының Мемлекеттік рәміздері күнімен баршаңызды құттықтаймын!
⠀
Ту, Елтаңба және Әнұран Қазақстанның ұлттық рухы мен тарихын айқындап, еліміздің мемлекеттілігі мен тәуелсіздігін айғақтайды. Елбасы Нұрсұлтан Әбішұлы Назарбаев атап өткендей, «Отаншылық сезімі, өз елі үшін мақтаныш оның рәміздеріне деген құрметтен басталады. Сондықтан мемлекеттік рәміздер – ұлттық мақтаныш».

1992 жылдың 4 маусымы біздің тарихымызда және халық жадында жаңа Мемлекеттік рәміздердің туған күні ретінде мәңгі сақталады. Бүгінде Отанымыздың рәміздері бүкіл әлемге танымал, бұл баршамыздың бойымызда ел үшін мақтаныш сезімін асқақтатып, патриотизмге тәрбиелейді. Халқымыздың бірлігі мен ұлы күшінің арқасында Қазақстан гүлдене беретініне сенім білдіргім келеді.
⠀
Мерейлі мерекеде елімізге бейбітшілік пен келісім, әр жанұяға бақыт пен игілік тілеймін!

• 04.06.2021
• 288