Оңдасын Оразалин мемлекеттік бағдарламаларды жүзеге асыратын жұмыстарды жандандыруды тапсырды

Ақтөбе облысының әкімі Оңдасын Оразалин жергілікті атқарушы органдарға бірқатар мемлекеттік бағдарламаларды тездетіп жүзеге асыруды тапсырды. Атап айтқанда, әңгіме облыстың бірқатар аудандарында қанағаттанарлықсыз орындалған «Бизнестің жол картасы 2025», «Еңбек», «Жасыл ел» ​ бағдарламалары жайында.

Облыс әкімі 15 маусым, сейсенбі күні бейне байланыс арқылы өткен аппарат жиынында аудан басшыларына: «Аудандарға шығып, осы бағытта қаншалықты тиімді жұмыс істеп жатқандарыңызды жеке тексеретін боламын. Егер оң нәтиже болмаса – шара қолданамыз»,- деп ескертті. Сондай-ақ, өңір басшысы Ақтөбе қаласы мен Ырғыз, Мәртөк, Мұғалжар, Хромтау аудандарындағы елді мекендерді дамытудың бірқатар жобаларын тездетіп жүзеге асыруды талап етті. Мәселен, кейбір жол жөндеу, көппәтерлі үйлердің аулаларын жөндеу және жарықтандыру, спорттық және балалар алаңдарын орнату, саябақтарды абаттандыру сияқты т.б. жұмыстар әлі аяқталмаған. Бұдан өзге, жиын барысында аудандарда дене шынықтыру-сауықтыру кешендерін салу, COVID-19-ға қарсы екпе салу, өндірістік жарақат алудың алдын алу сұрақтары қаралды.

• 15.06.2021
• 212