Сұрыптау елді-мекенінде және Майқұдықта болдым

Өткен жылы Қарағанды үшін ұзындығы 117 км құрайтын магистральдық желілердің жылу оқшаулау жобасы әзірленді. Биылғы жылы жобаның бірінші кезеңі басталып, оның шеңберінде 3-ЖЭО-дан Сұрыптауға апаратын магистральдық учаскенің жылу оқшаулау қаптамалары қалпына келтіріледі. Бұл жұмыстар кезең-кезеңмен жүргізіліп, осы арқылы жылу шығынын азайтып, қала тұрғындарын сапалы жылумен қамтамасыз етуге мүмкіндік туады.

Сұрыптау елді-мекенінің Рабочий кентінде сумен жабдықтау жобасы іске асырылуда. Мұнда ұзындығы 16 км су құбыры салынып, шамамен 1000 тұрғын ауыз сумен қамтамасыз етіледі. Бүгінгі таңда екі шақырым құбыр төселді. Аталған нысанды осы жылы пайдалануға беру жоспарланған.

Сұрыптау айналма автожолының құрылыс барысымен таныстым. Бұл жұмыстарға 30 бірлік техника жұмылдырылған. Айналма жол жаздың соңына қарай пайдалануға беріледі. Сондай-ақ

Магнитогорская көшесін қайта құру жалғасуда.

Ал 11а шағын ауданында 600 орындық жаңа мектеп салынуда. Бұл маңызды жобаны іске асыру осы аудандағы мектептердің жүктемесін азайтуға мүмкіндік береді. Нысанды осы жылы пайдалануға беру жоспарланған.

Сондай-ақ жұмыс сапары барысында «Трубпром» ЖШС жаңа кәсіпорнында болдым. Оның өнімі Нұр-Сұлтан, Ақмола және Қарағанды облыстарын газдандыру үшін пайдаланылады. Өндіріс екі ай бұрын іске қосылып, 60-қа жуық адамды жұмыспен қамтып отыр.

• 17.06.2021
• 310