COVID-19-ҒА ҚАРСЫ ЕКПЕ: ӨТКЕН ТӘУЛІКТЕ МАҢҒЫСТАУ ОБЛЫСЫНДА 805 АДАМ ВАКЦИНА САЛДЫРДЫ

Өткен тәулікте Маңғыстау облысында 805 адам корогавирусқа қарсы вакцина салдырды. Бұл  туралы  Маңғыстау облысының Қоғамдық коммуникация орталығында өткен брифингіде облыстық денсаулық сақтау басқармасы басшысының орынбасары Аманбек Жұмыров мәлім етті.

Мамандардың айтуынша, 8-16 маусымы аралығында «103» диспетчерлік бөліміне 4398 қоңырау түскен. Оның ішінде 43 адамнан Covid-19 диагнозы, 91-нен коронавирустық пневмония анықталған.

«Коронавирус шегінбейтіні анық. Біз барлық тұрғындарды  вирустың алдын-алу бойынша негізгі талаптарды орындауға шақырамыз. Ауыр зардаптарды болдырмау үшін біз облыс тұрғындарынан тағы да ойланып, дұрыс шешім қабылдауларын сұраймыз. Яғни өз денсаулығына мұқият қарап, екпе алғаныв дұрыс. Бұл вирустың таралуын азайтудың және өзгелермен қауіпсіз байланысқа оралудың жалғыз әдісі. Сондықтан, елде ұжымдық иммунитет қалыптасқанға дейін жағдай түзелмейді. Бетперде кию, арақашықтықты сақтау, антисептиктерді қолдану сияқты профилактикалық шараларды ұстануды жалғастыру өте маңызды », - деді Аманбек Жұмыров.

Маңғыстау облыстық ауруханасының санитарлық-эпидемиологиялық бөлімінің басшысы Марал Қадырдың айтуынша, Маңғыстауда өткен тәулікте 805 адам I компонентпен, 512 адам II компонентпен егілген.Облыс 3 түрлі вакцинамен жеткілікті деңгейде қамтамасыз етілген.
«Облысқа 153 100 доза вакцина жеткізілді, оның ішінде: ресейлік «Sputnik V»: 60 000 мың доза мөлшеріндегі бірінші компонент; 54.100 доза мөлшерінде II компонент; отандық «QazVac» 4000 мың доза мөлшерінде; 35000 мың доза мөлшерінде «Хаят». Маңғыстау облысы эпидемиологиялық ахуал бойынша жасыл аймақта болса да, статистикалық мәліметтер аймақтағы профилактикалық шараларды күшейтуді талап етеді, әсіресе коронавирустық инфекцияға қарсы екі есе вакцинациялау қажет», - деді Марал Қадыр.
Статистикалық мәліметтерге сәйкес, 2021 жылғы 17 маусымдағы жағдай бойынша «Коронавирустық инфекция» диагнозы қойылған 177 науқас инфекциялық бөлімшелерде стационарлық ем қабылдауда, 433 науқас симптомсыз формада және жеңіл аурумен амбулаториялық емделуде.

• 18.06.2021
• 219