Азаматтық қоғамды дамытуда волонтерлік ерекше орын алады

Осы ретте бұл қозғалыстың жыл сайын қарқын алып келе жатқаны қуантады.

Бүгінде облыста 97 волонтерлік ұйым қызмет етеді. Онда шамамен 7 мың адам жұмыс істейді.

Бұл жұмыстар тек қайырымдылық жобалары мен әлеуметтік еріктілікті ғана емес, сонымен қатар экология және жануарларды қорғау саласындағы бастамаларды қамтиды.

Мысалы, пандемия кезінде Медицина университетінің студенті Дарын Әбілжанов ұйымдастырған медициналық еріктілердің мектебі үлкен қолдау көрсетті. Жастар 1000-нан астам адамға науқастарды күту және алғашқы көмек көрсету ережелерін үйретті.

Өткен жылы облыстың Жастар ресурстық орталығының жанынан волонтерлік фронт-офис құрылды, сондай-ақ Qoldau волонтерлік орталығы жұмыс жасауда.

Осы жылдан бастап еріктілерді қолдау мақсатында біз еріктілікті дамытудың 2021-2023 жылдарға арналған Жол картасын қабылдадық. Оның аясында волонтерлік ұйымдарға гранттарды және тегін үй-жайларды беру қарастырылған. Сонымен қатар корпоративтік волонтерлікті дамыту үшін оқыту тренингтері өткізіледі.

Біз жастардың волонтерлік бастамаларын алдағы уақытта да қолдайтын боламыз. Бұл адамгершілік пен жанқиярлықтың, шынайы патриотизмнің мектебі.

• 22.06.2021
• 214